Summer Nat's 6. - 8. juni
Denne helga gjekk det ikke som forventa på Gardermoen.
Olav Asle rauk ut i første elimineringsrunde mot Petter Sukkestad og Olve rauk ut i andre runde mot Fredrik Gravningen. Før elimineringen starta søndag låg Olav Asle på 12 kvalplass med tida 8,655 og 250 km/t. Mens Olve hadde 8. kvalplass med tida 11.047 og 94 km/t over målstreken. Me får håpa at det blir bedre plasseringar på Drag Challenge i august.
Team Sognadrag gledar seg til å visa fram bilen på det årlige Svelgentreffet neste helg. Sjekk ut http://svelgen-amcar.com/ for meir info.

Spring Nat's 10. og 11. mai
På årets første stemne køyrde Olav Asle inn til ein andreplass og Olve rauk ut i kvartfinalen.
Etter ei strålande helg på Gardermoen er Olav Asle kjempefornøgd med andreplassen der han tapte for Steinar Løvold. Olve og resten av Team Sognadrag er glade over at Olve klarte kvartfinaleplass i sin debut som dragraceførar. Olve tapte mot Linn Engan Karlsen som har kjørt Junior dragrace i fleire år. Det er stor interesse for Junior dragrace for tida med heile 25 bilar til start i helga. Dette kan lova godt for Team Sognadrag i 2008.

April 2008
Endelig vår igjen og det er klart for ein ny dragrace sesong.
Olav Asle og Team Sognadrag er igjen klar for ein nye dragrace-sesong.
Olve, sonen til Olav Asle, skal ta lisens og debutera i år som sjåfør i Junior Dragrace. Team Sognadrag har kjøpt Junior Dragsteren til Grethe Ingdal og lakkert den i same grønfarge som Camaroen. Detta blir spennande.

--------------------------------------------------------------

2007 - Oppsummering
Olav asle enda på 8. plass i NM og er godt fornøgd med 2007 sesongen. Gjennom sesongen har me hatt litt problem med bilen, men heldigvis har me ikkje køyrt sundt noko seier Olav Asle.

RightOn StreetFinals 1. til 2. september
Kjempehelg for Olav Asle og Team Sognadrag etter å ha kommet til finalen i Top Sportmann. Olav Asle tapte imidlertid finalen mot norgesmeister, Thomas Risdal, men det er lov å tape for ein norgesmeister. Dette var ein perfekt avslutning på årets vellykka sesong. NM plasseringa til Olav Asle er ukjent i skrivande stund, men det er ikkje snakk om noko topp tre plassering. Uansett er team Sognadrag fornøgd med sesongen og vil takka alle små og store sponsorar som har vore med å gjort dette mulig i år.

Drag Challenge 3. til 5. august
Team Sognadrag er strålande fornøgd med helgas 4. plass i klassen Top Sportsmann, der han kom seg heilt til seminfinalen. I kvartfinalen løsna startkransen, som overfører kreftene mellom motor og girkassen, dermed måtte teamet kaste inn handkleet før semifinalen. For å få skrudd igjen boltane som held startkransen, må girkassen takast ut, noko det ikkje var tid til før semifinalen. Bilen fungerte glimrande, noko som viser at alle justeringene og tilpassningene som vart gjort før stevnet var tilfredstillande. Bestetida blei 8,504 sek. med 257 km/t over målstreken. Lystgassen blei det imidlertid ikkje tid til å prøva. Trass i mange saneringar under helgas stemne var det eit godt arrangert og gjennomført EM-stemne. Neste stemne er Street Finals på Gardermoen første helga i september.

1. august - Klar for Drag Challenge
Team Sognadrag har hatt hendene fulle med å oppgradere bilen siden forrige stemne. Chassiet er justert, bakakselutveklsingen bytta, lystgassanlegget er ferdigmontert og eit giringsystem er montert. Giringsystemet sikrar at girskiftingen skjer når bilen har oppnådd eit visst turtal i første gir. Med alle desse oppgraderingane har Olav Asle store forhåpningar til helgas Drag Challenge på Gardermoen.

Summer Nat's 8. til 10. juni
Olav Asle kom på 8. kvalplass, med tida 8,687 sek. av i alt 22 bilar denne helga. Team Sognadrag er dermed godt fornøyd med stemnet.
Olav Asle rauk ut i første elimineringsrunde etter å ha køyrt for fort i forhold til sin eigen index på 8,75 sek. Den nye motoren fungerar glimrende, men er så sterk at chassiet vrir seg for mykje i starten. Det visar seg også at bilen går mot turtalssperra allerede etter ca. 300m. Chassiet må derfor justeres og bakakselutvekslingen må byttast for å sleppe å køyra dei siste 100 meterane mot turtalsperra.

Spring Nat's 12. og 13. mai
Årets første stemne er unnagjort med god magefølese.
Olav Asle klinka til med 4. kvalplass og tida 8.772 sek. som raskaste tid. Med rundt 20 bilar påmeldte i Top Sportsmann, er det knallhard konkurranse i denne klassen, der den raskaste tiden ein har lov å køyra er 7.5 sekund. Olav Asle gjekk ut i andre elimineringsrunde etter ein treig start. Det såg nesten ut til at han hadde sovna på startstreken.

30. mars 2007
Klar for ny dragrace sesong.
Team Sognadrag er for tida godt i gang med forberedelsande til ein ny sesong. Motoren har fått ein gjennomgang, delane som trengs er på veg og alt ser veldig bra ut. Lystgassanlegget som følgde med motoren blir også koblet opp til årets sesong.
Slik det ser ut no er Team Sogndrag å sjå på dei fleste norske dragracestemnene i tillegg til ulike lokale arrangement og amcartreff.


2007 og ny dragrace sesong.
-----------------------------------------------------------------------

11. august 2006
Pangstart for Olav Asle med ny motor.
Olav Asle drog til med 8,83 sek. i første løp under EM i dragracing på Gardermoen 4.-6. august. Dette er ny rekord for Olav Asle og Team Sognadrag. Men det skulle komme fleire rekordar; 8.508, 8.83 sek i dei neste løpa i kvalifiseringen, førte til første kvalplass før søndagens eliminering.
I første elimineringsrunde raudlykta Olav Asle, med 12 tusendelar, og rauk dermed ut i første runde med tida 8.60 sek. Med disse tidene i første stemnet infridde motoren til forventningane. Det einaste problemet som oppsto under EM var at motoren er så sterk at bilen går rett opp på bakhjula ved start. Så nå arbeides det med å få montert wheelibars slik at det blir mulig å gi full gass fra start.

1. august 2006
Ny motor er på plass og Olav Asle gledar seg til EM-stevnet kommande helg.
Motorvalget falt på ein brukt 500 kubikktommar med Bowtie blokk, Pontiac alu. toppar, lystgassanlegg og diverse anna gromme deler. Motoren er nyleg bremsa til over 900 hk utan lystgass.
Etter ei hektisk veka med mykje skruing er no motoren kommen i bilen, varmkøyrd og klar for EM. Det seies at folk høyrde motorlyden ein kilometer unda då motoren vart varmkøyrd. Så dette lyder bra. Olav Asle håpar med dette at den første åtte sekundaren kjem til med den nye motoren.

3. juni 2006
Motoren fekk større skader enn først antatt etter Spring Nat's på Gardermoen. Blokka, ein ventil-løftar og ei ventil-vippe er øydelagt etter siste draget. Kva som er den eigentlige årsaken til at dette har skjedd er usikkert, men det har i allefall ført til at teamet er på motorjakt. Noko endelig løysing på motormangelen er ennå ikkje funnen, men Olav Asle Øvstetun og Team Sognadrag håpar på å vera klar til Svelgen treffet 17. juni.

8. mai 2006
6.-7. mai var det Spring Nat's på Gardermoen og sesongen er dermed i gang. Det var ein glimrande start på sesongen med mykje sol, blå himmel og fine forhold.

Olav Asle og Team Sognadrag har i år bestemt seg for å køyra i bracketklassen Top Sportsmann (T/S). Top Sportsmann har dial in på 8,50 - 9,99 sek og er det nye namnet på B/E klassen som starta opp for nokre år sidan. I T/S er det reaksjonstida som avgjere kvalifiseringsplassen, sjølv om førstemann over mål vinner.
Etter laurdagens tre heat hadde Olav Asle tredje kvalplass, med bestetid på 9.336 sek. På søndagen var det også køyrt 3 drag og her slo Olav Asle til med to personlige bestetider, den første på 9.25 og den andre på 9.13 sek.
Olav Asle kom ikkje lenger enn til siste kvaldrag denne helga, då det knakk ei ventil-vippe. Team Sognadrag måtte derfor pakke sakene sine og reise heim med forhåpningar om at det ikkje er noko alvorlig gale med motoren.
Team Sognadrag håper på å vera klare igjen til Summer Nat's 9.-11. juni og til Svelgen treffet 17. juni.

Helsing
Erling Ekrene i Team Sognadrag